طوق النجاة

ربنا عارف إن الدنيا مش سهلة
وإن الطريق مينفعش نمشيه كله لوحدنا مهما كانت قوتنا
وإن إحنا محتاجين حد نسند عليه،
محتاجين عين تشوفنا من جوا وتطمنا إننا لسه كويسين,

ومحتاجين لو توهنا ف الطريق
نور يرجعنا تانى

محتاجين قلب يصدقنا.

عشان كدا خلق لنا الحب
الحب اتخلق عشان يساعدك تمشى الطريق
لأن صعب تمشيه لوحدك
لكن المشكلة
إننا بننسى الطريق وبندور ع الحب وبس
والحب لوحده مش غايه
ومينفعش يكون نهاية

وعشان كده بدل ما يكون هو الحل
بقى هو المشكله
وبدل ما يكون الدليل ف طريقنا المظلم
بقى هو عقبة ف الطريق
واتحول من ضحكة من القلب ف عز الازمات
لسبب للدمع ف أكتر الاوقات فرحة

حبوا اكتر
متنسوش الطريق الاصلى
سيبوا قلوبكم لربنا