السبت، 21 ديسمبر 2013

تيتا ♥♥

وجودك كفاية

حكاياتك اللي بتحكيها
وسؤالك عليا كفاية


مع إنك ديما تنسى
وتعيدى الكلام كذا مرة

سامحينى مش بقدر اركز
وبتوه ف عينيكى وملامحك

تجعيد وشك بتطمني
وبتعلمني
وبتفهمنى

إن الحياة مهما كانت مره
نقدر نفضل جمال

وبفرح لما الاقى فيا ملامح منك
أنا أخده عيونك ع فكرا :)


سامحينى لأنى بقصر
وبغيب كتير أنا عارفة

ابتسمتك اول ما تشوفينى
طبطبتك عليا
وتفضلى ماسكه ايدى

انتى عارفة يا تيتا
مفيش حد بيمسك اديا كده غيرك♥♥



تيتا♥♥
انتى اجمل كائن موجود ف الدونيا

الجمعة، 6 ديسمبر 2013

الأربعاء، 4 ديسمبر 2013

التزييف

عارفين الفرق بين إنك تحب .. أو تعيش دور اللي بيحب
إنك تزعل .. أو تعيش دور الحزين
إنك تكون موهوب .. وبين إنك تعيش دور الفنان بقي

الفرق بين الضحكة والابتسامة
الفرق بين الدموع أو الوجع اللي أكبر منها

طب جربت في يوم تعيش دور المبسوط
عشان محدش هيفهم أو يقدر
أو انت ببساطة مش عايز نظرة شفقة من حد

جربت تعيش دور الحزين
عشان تشوف نظرة اهتمام أو حنية
تحسسك إنك موجود

طب عمرك أختارت تعيش دور إنك متفاجئ
مع إنك عارف اللى هيحصل

أو الدور اللى ولا همه
مع إن ديه أخر حاجة ممكن تيجي ع بالك

فاكر أول ما كنت بتبان شجاع
مع إن الخوف مليك

أو اليوم اللي بينت فية خوفك
عشان حد يمسك ايدك ويطمنك

باختصار .. عمرك جربت تعيش دور إنك عايش!!؟

هو احنا ممكن في يوم نكون بمشاعرنا الحقيقة من غير أى تزيف
من غير تمثيل
ومن غير مبالغة


مشاعر حقيقة شفافة

الأربعاء، 27 نوفمبر 2013

حرية

إنهم بنفس غباء من قبلهم

يظنون أنهم يمكنهم وضع قضبان علي عقولنا

ونهايتم ستكون مثل كل من سابقهم بالتأكيد

إلى أن  يأتى من يرنا فعلاً

الأحد، 24 نوفمبر 2013

وحدي

مع كل شعور بالوحدة .. بالخوف .. بالضعف

وفى كل مره بكيت أو ضحكت

وأول ما أحتاج لحد يسمع
أو ايد تطبطب

في كل مره وأنا بعدي السكه وخايفة
وفي كل شارع طويل بمشيه لوحدى

وكل تعليق عايزه أقوله
ومالقيش حد جنبى يسمعه

في كل مره أجوع بالليل
وأكسل أعمل أكل لوحدى

وكل كوبايه شاى بلبن ناقصه طعم صوتكم

فى كل أغنيه بسمعها وأفتكر اننا بنحبها
وكل باكوا شبسى باشتريه وأكون عارفه وانتوا معايا هتجيبوا ايه

في كل تذكره سفر بحجزها لوحدي


في كل لحظه من غيركم
قد ايه أنا لوحدي
:(

الاثنين، 11 نوفمبر 2013

غمض عينك كده

حاول تتخيل
تخيل إنك وصلت

إنت أخيرا هناك
مش هو دا اللى كان نفسك فيه


لوحدك..
مش مهم.

هو انت وصلت ازاى؟!!
مش مهم

مبسوط؟؟
أكيد

خايف؟؟
يعني .. حبه

هتعمل ايه دلوقتى؟؟
مش عارف

ازاى ؟!!مش انت طول الوقت بتخطط لكدا
مممممم..مش عارف

طب تعالي معايا.
فين؟؟

تعال بس.

انت واخدنى  فين؟
انت خايف من ايه يعنى..مش انت فرحان انك وصلت


لا.. انا هرجع
لو راجعت مش هتيجي تاني


أنا راجع
بس هاجي تاني

الأحد، 10 نوفمبر 2013

ذات يوم

ربما ليست الحياة بذلك السوء الذى تبدو عليه
ربما تخبئ لنا بين طياتها الكثير من المفاجأت السعيدة

أو ربما نحن نملك تلك الأشياء التي تحلو بها الحياة بالفعل
من الممكن أن نكون فقط لا ندركه

الحياة ليست مثالية .. ليست عادلة .. وليست تقف فى صفنا دائما

ولكن الأكيد أنها تحمل الكثير من الألوان


سنفرح .. سنضحك .. سنطمئن
سندعوا الله ألا ينتهي كل هذا

سنصل الي طريقنا ذات يوم

ربما .. ذات يوم

الخميس، 7 نوفمبر 2013

الحاجز الزجاجي

هل فكرت يوما في كسر ذلك الحاجز الزجاجي الذي يفصل بينك وبين العالم

ألم تكتفي بهذا القدر من الضؤء الذى يصلك
ف الحياة أكثر بكثير مما تعتقد
ألا تريد أن تتحرر..!!


أجاب بامتعاض:-
ولكن لماذا أكسره..
لماذا تفترض دائما انى أعبش مأساه بشكل ما!!

أنا لا افترض شئ .. أنت بالفعل تعيش مأساه
ألا ترى كم ألأشياء التى تضيعها بهذا التعنت
ألا تدرك أنك تخسر أكثر مما تكسب
ألا تري أين أصبحت؟!!

ربما حياتي ليست مثالية من وجهة نظرك
ولكنها ترضينى
أليست الغاية من كلامك أن أكون سعيد
أنا بالفعل سعيد

أن تستسلم للأمر الواقع هذا ليس رضى
ولكنه ضعف وقبول بما تأتى به الحياة أيان كان
إنه خوف من مواجهة نفسك أنك تريد أكثر
وأن تتصرف طول الوقت كأنك شخص سعيد
هذه ليست سعادة
إنه الهروب من الحقيقة
بدلا من أن تبحث عن حل للمشاكلك


هذا رايك أنت...

هذا واقعك
ولكنك تفتقد اليشجاعة الكفايه لقبول هذا..

هل تعرف مشكلتك الأساسية ليست فيما أريده
بل يجب أن أريد شئ يتوافق مع إعتقادك لكي ترضي
أعتذر لك هذا لن يحدث
كل ما يحدث في الحياة أصبح ممل بالنسبة لي
لم يعد شئ يثير إهتمامي
أتدري لماذا لم أعد أًريد شئ
لان الذي أريده لم يعد موجود في هذا العالم
لا أريد تعاطفك معي
أريدك أن تدرك أن هذا إختياري
وأنا محيط بكل ما فيه


ربما في يوما ما ستفهم مقصدي

وربما ف يوما ما ستدرك شعوري

الجمعة، 1 نوفمبر 2013

عـــن الــمسافـات

عــن المـسافات

عـن المسافات الحقيقة
المسافات المؤلمة
التى تُوجعنا بالبعد
وتُرعبنا بشبح الوحدة


عن المسافات

عن المسافات الوهمية
التي تكشف درجة قُرب الأشخاص منا
مهما كانوا بعيدين ,
وتكشف بُعدهم ,
مهما كانوا قربين

عن المسافات

عن المسافة بينى وبينك
التي تُرغمنا ع البعد ونحن قربين
وتُرغمنا ع القرب
ونحن بعيدين

عن المسافات

المسافات بيني وبينكم
والخوف الذى لم أعيشه إلا بدونكم
بدونكم..كم هيا مُره الحياة

عن المسافات

المسافات المؤلمة ,الموحشة ,الموجعة
المسافات الساكنة فينا
المسافات الخائفين منها
والمسافات المرغمين عليها


وعن النهايات البعيدة ..
بسبب المسافات

الخميس، 24 أكتوبر 2013

...

أنت دائما هنا
أنت دائما هناك

أنت تقف دائما ف النصف
بيني وبيني

دائما تهرب بى مني
ثم تلقني اليي

هل تعلم؟؟
لقد سئمت كل هذا
سئمتني

سئمت خوفي وترددي
ومللت من الوقوف دائما هكذا

بيني وبيني

الأربعاء، 23 أكتوبر 2013



 أخبرني أحدهم :-

                                         أن الجمال ... رزق
                                          والمال ... رزق
                                          والنجاح ... رزق


فأخبرته أن:-
                                   

                                  السعادة ....إختيار

الثلاثاء، 22 أكتوبر 2013

التدوينه الثانيه .. إختيارتنا ..إسالنى وأسألك

إختيارتنا

مفيش اختيار ف حياتنا مش هنسأل نفسنا لو ماخدناهوش كان هيحصل ايه؟؟

ومفيش فرصة سبناها عشان خوفنا مسألناش نفسنا بعد كده هو لو أخدناها كانت هتودينا لفين؟؟

مفيش اختيار صح بشكل مطلق..!

ومفيش قرار غلط بنسبة 100%.

شئ مرعب جدا إن مجرد قرار صغير تأخده!
ممكن يقلب حياتك 180 درجة.

ومحدش هيقدر يعلمك ازاى تاخد قرار صح دايماٌ..

بس الحاجة اللي لازم تتعلمها إنك تتحمل نتيجة كل قرار تأخده.

حياتنا ف النهاية هتكون نتيجة القرارت الصح اللى أخدناها
والقرارات الغلط اللى اتعلمنا منها

سؤالي ليكم بقى :)
ايه اصعب قرار أخدتوه؟وبتقدروا تتحملوا نتيجة القرارات ولا بتهربوا؟

الاثنين، 21 أكتوبر 2013

التدوينة الأولى لازم تكون عنكم

عن إن مفيش حاجه اسمها خوف من بكرا
عشان أنتوا فيه
عن ضحكة من القلب
وطبطه ع الايد
وعيون ديما بتقول أنا معاك

عن ثروتى فى حياتى
عن أصدقائى ♥♥♥