لازم أطير

ساعات فى عز أحزاني
بحس إني لازم أفرح

وف أكتر الأوقات ضلمة
أقوم أدور ع شمعه وأنورها

وبفتكر إنى مش بحب أعيش ع الأرض
والحزن ديما بيشدنا ليها

لأزم اقاوم
لأزم أعافر
لأزم أطير


ولو كل حاجة وحشة حصلت مع بعض
فدا معناه
أن كل اللى جاي فرحة

فرحة صافية
ضحكة كامله
صورة واضحة

الحلم مش بعيد
الطريق طويل .. بس المشي فيه ممتع

كل ما كان فيه حاجات بتشدنا للأرض أكتر
جناحاتنا هتقوى
وهنطير أعلى

ربنا كريم :)

طوق النجاة

ربنا عارف إن الدنيا مش سهلة
وإن الطريق مينفعش نمشيه كله لوحدنا مهما كانت قوتنا
وإن إحنا محتاجين حد نسند عليه،
محتاجين عين تشوفنا من جوا وتطمنا إننا لسه كويسين,

ومحتاجين لو توهنا ف الطريق
نور يرجعنا تانى

محتاجين قلب يصدقنا.

عشان كدا خلق لنا الحب
الحب اتخلق عشان يساعدك تمشى الطريق
لأن صعب تمشيه لوحدك
لكن المشكلة
إننا بننسى الطريق وبندور ع الحب وبس
والحب لوحده مش غايه
ومينفعش يكون نهاية

وعشان كده بدل ما يكون هو الحل
بقى هو المشكله
وبدل ما يكون الدليل ف طريقنا المظلم
بقى هو عقبة ف الطريق
واتحول من ضحكة من القلب ف عز الازمات
لسبب للدمع ف أكتر الاوقات فرحة

حبوا اكتر
متنسوش الطريق الاصلى
سيبوا قلوبكم لربنا

رَبْي

                           





                                                                رَبْي اْجعَل قَلّبي خَالِصَاً لَكَ ..

هروب

اترك الأفكار لفترة
ابتعد عن الكلمات
ليست هناك مشاعر لتدون


الأن يمكننى أن ارسم لوحة سوداء يتخللها بعض اللون الأسود..

لا شئ أفضل ..
لا شي أسوء ..
الكل سوء .

اهرب
اهرب لبعض الوقت

لا داعى للتفكير الأن
ستكتئب أكثر

ما القادم
لا شي ..
أحسنت .. لا تنتظر شئ

اهرب
ابتعد أكثر ..

ماذا كنت تريد؟
لا أعلم .. لقد نسيت!!
ليست مشكلة .. لم يكن سيحدث في كل الأحوال

ابتعد أكثر
لم يعد شي يغري بالبقاء


ربما يمكنني أن أجعل الوضع أفضل
..
.

ماذا؟!!

لقد نسيت طريق العودة.

تيتا ♥♥

وجودك كفاية

حكاياتك اللي بتحكيها
وسؤالك عليا كفاية


مع إنك ديما تنسى
وتعيدى الكلام كذا مرة

سامحينى مش بقدر اركز
وبتوه ف عينيكى وملامحك

تجعيد وشك بتطمني
وبتعلمني
وبتفهمنى

إن الحياة مهما كانت مره
نقدر نفضل جمال

وبفرح لما الاقى فيا ملامح منك
أنا أخده عيونك ع فكرا :)


سامحينى لأنى بقصر
وبغيب كتير أنا عارفة

ابتسمتك اول ما تشوفينى
طبطبتك عليا
وتفضلى ماسكه ايدى

انتى عارفة يا تيتا
مفيش حد بيمسك اديا كده غيرك♥♥



تيتا♥♥
انتى اجمل كائن موجود ف الدونيا

♥

مفيش أحلى من إنك تحس إن اللي بتحبهم بيحبوك

اللهم  ادمهم نعمة ♥♥♥

التزييف

عارفين الفرق بين إنك تحب .. أو تعيش دور اللي بيحب
إنك تزعل .. أو تعيش دور الحزين
إنك تكون موهوب .. وبين إنك تعيش دور الفنان بقي

الفرق بين الضحكة والابتسامة
الفرق بين الدموع أو الوجع اللي أكبر منها

طب جربت في يوم تعيش دور المبسوط
عشان محدش هيفهم أو يقدر
أو انت ببساطة مش عايز نظرة شفقة من حد

جربت تعيش دور الحزين
عشان تشوف نظرة اهتمام أو حنية
تحسسك إنك موجود

طب عمرك أختارت تعيش دور إنك متفاجئ
مع إنك عارف اللى هيحصل

أو الدور اللى ولا همه
مع إن ديه أخر حاجة ممكن تيجي ع بالك

فاكر أول ما كنت بتبان شجاع
مع إن الخوف مليك

أو اليوم اللي بينت فية خوفك
عشان حد يمسك ايدك ويطمنك

باختصار .. عمرك جربت تعيش دور إنك عايش!!؟

هو احنا ممكن في يوم نكون بمشاعرنا الحقيقة من غير أى تزيف
من غير تمثيل
ومن غير مبالغة


مشاعر حقيقة شفافة